ຫ້ອງວ່າການກະຊວງປ້ອງກັນປະເທດ
ປາຖະກະຖາ 2 ວັນປະຫວັດສາດ
ວັນທີ 9 ມີນາ 2023 ນີ້, ຫ້ອງວ່າການກະຊວງປ້ອງກັນປະເທດ ໄດ້ຈັດຕັ້ງປາຖະກະຖາວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 68 ປີ, ວັນເສຍ
ອົງຄະ ແລະ ວັນເສຍສະຫຼະຊີວິດເພື່ອປະເທດຊາດຄົບຮອບ 77 ປີ, ໂດຍການເປັນປະທານຂອງສະຫາຍ ພົນຕີ ສາຍໃຈ ກົມມະສິດ ກຳມະການຄະນະປະຈຳ
ພັກກະຊວງປ້ອງກັນປະເທດ ຫົວໜ້າຫ້ອງວ່າການກະຊວງປ້ອງກັນປະເທດ, ມີຄະນະພັກ-ຄະນະບັນຊາບັນດາກົມ, ຫ້ອງການ, ກົມກອງທີ່ຂຶ້ນກັບຕະຫຼອດ
ຮອດພະນັກງານ-ນັກຮົບເຂົ້າຮ່ວມ.
ສະຫາຍ ພົນຕີ ສາຍໃຈ ກົມມະສິດ ໄດ້ຍົກໃຫ້ເຫັນສະພາບແວດລ້ອມການກຳເນີດ ແລະ ເຕີບໃຫຍ່ຂະຫຍາຍຕົວຂອງພັກປະຊາຊົນປະຕິວັດລາວຕະ
ຫຼອດໄລຍະ 68 ປີຜ່ານມາ, ພັກປະຊາຊົນປະຕິວັດລາວໄດ້ຮັບການສ້າງຕັ້ງຂຶ້ນໃນວັນທີ 22 ມີນາ 1955, ການສ້າງຕັ້ງພັກປະຊາຊົນປະຕິວັດລາວ ແມ່ນມີ
ຄວາມຈຳເປັນພາວະວິໄສທາງດ້ານປະຫວັດສາດ ເພື່ອຕອບສະໜອງຕາມຄວາມຮຽກຮ້ອງຕ້ອງການຂະບວນການຕໍ່ສູ້ຂອງປະຊາຊົນລາວບັນດາເຜົ່າ ພາຍ
ໃຕ້ແສງສະຫວ່າງຂອງລັດທິມາກ-ເລນິນ ແລະ ສືບທອດຈາກພັກກອມມູນິດອິນດູຈີນ, ພາຍຫຼັງພັກປະຊາຊົນປະຕິວັດລາວໄດ້ຮັບການສ້າງຕັ້ງຂຶ້ນ ກໍໄດ້
ແບກຫາບພາລະກຳປະຫວັດສາດອັນແສນຫຍຸ້ງຍາກລຳບາກ ເຊິ່ງເຕັມໄປດ້ວຍການທົດສອບທີ່ລະອິດລະອ້ຽວ ແລະ ການເສຍສະຫຼະອັນໃຫຍ່ຫຼວງແຕ່ມີ
ກຽດອັນສູງສົ່ງ, ນຳພາປວງຊົນລາວທັງຊາດຕໍ່ສູ້ປົດປ່ອຍປະເທດຊາດອອກຈາກແອກປົກຄອງຂອງຕ່າງຊາດ, ເພື່ອນຳເອົາຄວາມເປັນເອກະລາດ, ອິດສະຫຼະ
ພາບ, ສິດເປັນເຈົ້າຂອງປະເທດຊາດອັນແທ້ຈິງມາສູ່ປະເທດຊາດ ແລະ ປະຊາຊົນບັນດາເຜົ່າ, ພາຍໃຕ້ການນຳພາອັນຖືກຕ້ອງສະຫຼາດສ່ອງໃສຂອງພັກ, ທົ່ວ
ກອງທັບ, ທົ່ວປວງຊົນລາວທັງຊາດສາມາດຍາດໄດ້ໄຊຊະນະ, ຈາກໄຊຊະນະນີ້ໄປສູ່ໄຊຊະນະໃຫມ່ສ້າງປະຫວັດສາດໜ້າໃໝ່ອັນສະຫວ່າງສະໄຫວ ແລະ ສາ
ມາດປົດປ່ອຍປະເທດຊາດໄດ້ຢ່າງສົມບູນ ໃນວັນທີ 2 ທັນວາ 1975, ໃນເງື່ອນໄຂປ່ຽນແປງໃໝ່ພັກເຮົາໄດ້ສືບຕໍ່ນຳພາປະເທດຊາດຜ່ານຜ່າຄວາມຫຍຸ້ງ
ຍາກ ແລະ ສິ່ງທ້າທາຍທົດສອບຕ່າງໆ ສາມາດຍາດໄດ້ຜົນງານອັນໃຫຍ່ຫຼວງ, ມີຄວາມໝາຍປະຫວັດສາດ, ປະຕິບັດ 2 ໜ້າທີ່ຍຸດທະສາດຄື: ປົກປັກ
ຮັກສາ ແລະ ສ້າງສາພັດທະນາປະເທດຊາດໄດ້ຮັບຜົນສຳເລັດເປັນກ້າວໆມາ, ເຮັດໃຫ້ປະເທດຊາດມີສະຖຽນລະພາບທາງດ້ານການເມືອງໜັກແໜ້ນ, ສັງ
ຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍໂດຍພື້ນຖານ, ເສດຖະກິດແຫ່ງຊາດຂະຫຍາຍຕົວຢ່າງຕໍ່ເນື່ອງ ແລະ ຖືກທິດດ້ວຍການຍູ້ແຮງ
ການຫັນເປັນອຸດສາຫະກຳ ແລະ ທັນສະໄຫມ, ເພີ່ມທະວີຄວາມສາມາດປ້ອງກັນຊາດ-ປ້ອງກັນຄວາມສະຫງົບ, ເປີດກວ້າງການພົວພັນຮ່ວມມືກັບຕ່າງປະ
ເທດ ແລະ ຍົກສູງບົດບາດຂອງປະເທດໃນເວທີສາກົນນັບມື້ສູງຂຶ້ນ. ພ້ອມດຽວກັນນັ້ນ, ກໍໄດ້ຍົກໃຫ້ເຫັນມູນເຊື້ອວັນເສຍອົງຄະ ແລະ ວັນເສຍສະຫຼະຊີ
ວິດເພື່ອປະເທດຊາດ, ຍົກໃຫ້ເຫັນສະພາບການ ແລະ ການກະກຽມຕໍ່ສູ້ຕ້ານພວກລ່າເມືອງຂຶ້ນຝຣັ່ງຂອງໜ່ວຍພັກເມືອງທ່າແຂກ, ເຫດການ ແລະ ການຕໍ່
ສູ້ຢ່າງພິລະອາດຫານຂອງທະຫານ ແລະ ປະຊາຊົນຢູ່ເມືອງທ່າແຂກ, ພ້ອມທັງໄດ້ຍົກໃຫ້ເຫັນຄວາມຫມາຍສຳຄັນຂອງບັ້ນຮົບປ້ອງກັນຕົວເມືອງທ່າແຂກ
ເພື່ອເສີມຂະຫຍາຍມູນເຊື້ອອັນລ້ຳເລີດຂອງບັນດານັກຮົບປະຕິວັດຮຸ່ນກ່ອນ, ໂຄສະນາສຶກສາອົບຮົມໃຫ້ພະນັກງານ-ນັກຮົບຮຸ່ນຫຼັງໄດ້ຮັບຮູ້ ແລະ ຮ່ຳຮຽນ
ເອົາແບບຢ່າງອັນດີງາມຂອງເພີ່ນ.
ໃນພິທີ, ຍັງໄດ້ປະກາດການແຕ່ງຕັ້ງສະຫາຍ ພັນເອກ ເຟືອງໄຊ ມີລະກົງ ເປັນຮອງຫົວໜ້າກົມພົວພັນຕ່າງປະເທດ, ແຕ່ງຕັ້ງສະຫາຍ ພັນໂທ ສຸລະໄຊ
ສຸກແສງຕາ ເປັນຮອງຫົວໜ້າພະແນກອາຊີ-ປາຊີຟິກ ແລະ ສະຫາຍ ພັນຕີ ໄກຍະກອນ ສິດທິລືໄຊ ເປັນຮອງຫົວໜ້າພະແນກ ເອີຣົບ-ອາເມຣິກາ ກົມພົວ
ພັນຕ່າງປະເທດ.
ແຫຼ່ງທີ່ມາ: ໂກຮັງ ພັນທະວົງ
ວັນທີ 17/02/2023